ZEYNALOV AZƏR YADULLA OĞLU

Naxçıvan Muxtar Respublikası Ali Məclisinin deputatı

Dairə: 10 saylı Şərur şəhər

1970-ci ildə İliç (indiki Şərur) rayonunun Şərur şəhərində anadan olmuşdur. Lipetsk Politexnik İnstitutunu sənaye nəqliyyatı ixtisası üzrə bitirmişdir. Rus dilini bilir. Azərbaycan Respublikasının 3-cü dərəcəli “Vətənə xidmətə görə” ordeni ilə təltif olunmuşdur. 2004-cü ildən Yeni Azərbaycan Partiyası Naxçıvan Muxtar Respublika Təşkilatı Siyasi Şurasının və İdarə Heyətinin üzvüdür. III və IV çağırış Naxçıvan Muxtar Respublikası Ali Məclisinin deputatı olmuşdur. Naxçıvan Muxtar Respublikası Ali Məclisi sədrinin birinci müavini, eyni zamanda Ali Məclisin İqtisadi siyasət komitəsinin sədridir. Evlidir, 2 övladı var.

Partiya mənsubiyyəti: Yeni Azərbaycan Partiyası