18 fevral 2026-cı il

Layihə

NAXÇIVAN MUXTAR RESPUBLİKASININ

Q A N U N U

“Naxçıvan Muxtar Respublikası Ali Məclisi deputatının statusu

haqqında” Naxçıvan Muxtar Respublikasının Qanununda

dəyişiklik edilməsi barədə

Naxçıvan Muxtar Respublikasının Ali Məclisi Naxçıvan Muxtar Respublikası Konstitusiyasının 24-cü maddəsinin I hissəsinin 2-ci bəndini rəhbər tutaraq qərara alır:

“Naxçıvan Muxtar Respublikası Ali Məclisi deputatının statusu haqqında” Naxçıvan Muxtar Respublikasının Qanununa aşağıdakı məzmunda 21-1-ci maddə əlavə edilsin:

“Maddə 21-1. DEPUTATIN KÖMƏKÇİSİ

Deputatın fəaliyyətinin təmin edilməsi məqsədilə onun köməkçiləri ola bilər.

Deputatın köməkçiləri Naxçıvan Muxtar Respublikasının büdcəsi hesabına saxlanılır.

Deputatın köməkçisinin işə qəbulu Azərbaycan Respublikasının əmək qanunvericiliyi ilə tənzimlənir.

Deputatın köməkçisinə aid əlavə tələblər Naxçıvan Muxtar Respublikası Ali Məclisi sədrinin qərarı ilə müəyyən edilir.”.

Naxçıvan Muxtar Respublikası

Ali Məclisi sədrinin birinci müavini                                BƏXTİYAR MƏMMƏDOV