İSMAYILOV MAHİR İSLAM OĞLU

Naxçıvan Muxtar Respublikası Ali Məclisinin deputatı

Dairə: 1 saylı Sədərək

1961-ci ildə İliç (İndiki Şərur) rayonu, Sədərək kəndində anadan olmuşdur. Naxçıvan Dövlət Pedaqoji İnstitutunu fizika ixtisası üzrə, Naxçıvan Dövlət Universitetini isə İqtisadiyyatın tənzimlənməsi ixtisası üzrə bitirmişdir. Rus dilini bilir. 2004-cü ildə Yeni Azərbaycan Partiyası Kəngərli Rayon Təşkilatı sədrinin müavini və III Qurultayının nümayəndəsi seçilmişdir. Səmərəli fəaliyyətinə görə 1982-ci ildə RSFSR Ali Sovetinin fərmanı ilə “Baykal-Amur magistralının tikintisinə görə” medalı, 2010-cu ildə isə Azərbaycan Respublikası Prezidentinin Sərəncamı ilə “Dövlət qulluğunda fərqlənməyə görə” medalı ilə təltif olunmuşdur. Ali Məclisin “Hüquq siyasəti” komitəsinin üzvüdür. Evlidir, 2 övladı var.

Partiya mənsubiyyəti: Yeni Azərbaycan Partiyası