Mayın 22-də Naxçıvan Muxtar Respublikası Ali Məclisinin Hüquq siyasəti komitəsinin növbəti iclası keçirilib.

Komitə sədri Əjdər Əliyev iclasın gündəliyinə daxil edilən üçüncü oxunuşda olan “Naxçıvan Muxtar Respublikasının Ali Məclisinə seçkilər haqqında” Naxçıvan Muxtar Respublikasının Qanununda dəyişiklik edilməsi barədə" Naxçıvan Muxtar Respublikasının qanun layihəsi barədə məlumat verib. Bildirilib ki, qanun layihəsi Naxçıvan Muxtar Respublikası Ali Məclisinin 2026-cı il 13 may tarixdə keçirilən plenar iclasında ikinci oxunuşda qəbul edilib.

Sonra qanun layihəsi səsverməyə çıxarılaraq üçüncü oxunuşda baxılmaq məqsədilə Ali Məclisin plenar iclasının müzakirəsinə təqdim olunub.

Naxçıvan Muxtar Respublikası

Ali Məclisinin mətbuat xidməti